سنڌسلامت پيغامِ قرآن - نُوۡحٍ - سيد ابوالاعليٰ مودودي

71:1

اِنَّآ اَرْسَلْنَا نُوْحًا اِلٰى قَوْمِهٖٓ اَنْ اَنْذِرْ قَوْمَكَ مِنْ قَبْلِ اَنْ يَّاْتِيَهُمْ عَذَابٌ اَلِيْمٌ 1‏۝

اسان نوح کي سندس قوم ڏانهن موڪليو (انهيءَ حڪم سان) ته پنهنجي قوم کي خبردار ڪري، هن کان اڳ جو مٿن هڪڙو دردناڪ عذاب اچي ڪڙڪي

— سيد ابوالاعليٰ مودودي

71:2

قَالَ يٰقَوْمِ اِنِّىْ لَكُمْ نَذِيْرٌ مُّبِيْنٌ 2‏۝ۙ

هن چين: "اي منهنجي قوم وارؤ! مان توهان لاءِ هڪڙو کولي کولي خبردار ڪندڙ (پيغمبر) آهيان

— سيد ابوالاعليٰ مودودي

71:3

اَنِ اعْبُدُوا اللّٰهَ وَاتَّقُوْهُ وَاَطِيْعُوْنِ 3‏۝ۙ

(توهان کي آگاه ٿو ڪريان) ته الله جي ٻانهپ ڪريو، کانئس ڊڄو ۽ منهنجي فرمانبرداري ڪريو

— سيد ابوالاعليٰ مودودي

71:4

يَغْفِرْ لَكُمْ مِّنْ ذُنُوْبِكُمْ وَيُؤَخِّرْكُمْ اِلٰٓى اَجَلٍ مُّسَمًّى ۭ اِنَّ اَجَلَ اللّٰهِ اِذَا جَاۗءَ لَا يُؤَخَّرُ ۘ لَوْ كُنْتُمْ تَعْلَمُوْنَ 4‏۝

الله توهان جا گناهه معاف ڪري ڇڏيندو ۽ توهان کي هڪڙي مقرر ڪيل وقت تائين مهلت ڏيندو، حقيقت اها آهي ته الله جو مقرر ڪيل وقت جڏهن ڀرجي ايندو آهي ته پوءِ ٽارئي نه ٽرندو آهي، جيڪر توهان کي ان ڳالهه جي ڄاڻ هجي"

— سيد ابوالاعليٰ مودودي

71:5

قَالَ رَبِّ اِنِّىْ دَعَوْتُ قَوْمِيْ لَيْلًا وَّنَهَارًا 5‏۝ۙ

هن عرض ڪيو: "اي منهنجا رب! مان پنهنجي قوم کي رات ڏينهن سڏيندو رهيس

— سيد ابوالاعليٰ مودودي

71:6

فَلَمْ يَزِدْهُمْ دُعَاۗءِيْٓ اِلَّا فِرَارًا 6‏۝

پر منهنجي سڏڻ اٽلندو سندن پري ڀڄڻ کان سواءِ ٻيءَ ڪنهن به ڳالهه ۾ واڌارو نه ڪيو

— سيد ابوالاعليٰ مودودي

71:7

وَاِنِّىْ كُلَّمَا دَعَوْتُهُمْ لِتَغْفِرَ لَهُمْ جَعَلُوْٓا اَصَابِعَهُمْ فِيْٓ اٰذَانِهِمْ وَاسْتَغْشَوْا ثِيَابَهُمْ وَاَصَرُّوْا وَاسْتَكْبَرُوا اسْتِكْبَارًا 7‏۝ۚ

۽ جڏهن به انهن کي سڏيم تانته تون کين معاف ڪري ڇڏين ته ڪنن ۾ آڱريون وڌائون ۽ پنهنجي ڪپڙن سان منهن ڍڪيائون ۽ ويتر پنهنجي ڳالهه تي کڻي ڳــَـتِ ڏنائون ۽ ڏاڍي وڏائي ڪيائون

— سيد ابوالاعليٰ مودودي

71:8

ثُـمَّ اِنِّىْ دَعَوْتُهُمْ جِهَارًا 8‏۝ۙ

پوءِ مان انهن کي واڪا ڪري سڏيو

— سيد ابوالاعليٰ مودودي

71:9

ثُـمَّ اِنِّىْٓ اَعْلَنْتُ لَهُمْ وَاَسْرَرْتُ لَهُمْ اِسْرَارًا 9‏۝ۙ

وري پوءِ کين کليو کلايو به تبليغ ڪئي ۽ لڪي ڇــَـپي به سمجهايو

— سيد ابوالاعليٰ مودودي